Barandiaran Museoa eta Errotatxo

Ataungo Barandiaran Museora joatea euskal kulturaren muina ezagutzea da. Etorkizuna ez ezik, iragana ere gurea delako. Joxe Migel Barandiaran ataundar ospetsuaren bizitza eta lana ezagutu nahi duen edonorentzat Barandiaran Museoko ateak zabalik daude. Bisita gidatuek ordu eta erdiko iraupena izaten dute, antigoaleko errota bisitatzeko aukera ere ematen delako. Uraren indarraz zerrategi hidraulikoa eta irin-errota txikia martxan ikusteko aukera izaten da bisitarien gozamenerako.