ORGANO KONTZERTUAK

Auditoriumeko organoa bere ikur nagusietako bat da: soinu ederrak sortzeko gai den tresna ikusgarria, aretoaren akustika paregabeak dotore anplifikatzen duena. Euskalduna Bilbaok organo honi merezi duen arreta eman nahi dio, ikusgai egin, eta ohiko errepertorioetatik harago joateko gaitasuna duela erakutsi. Helburu horrekin, organo-kontzertuetako ziklo bat antolatuko du bigarren urtez jarraian, bertako talentuaren protagonismo handiarekin eta nazioarteko organista ospetsuen parte-hartzearekin.

• Urriak 5: ‘Organoa eta Haur Koruen Ahotsak. Bizkaia Kantuan’ izeneko kontzertuan, Bizkaiko hainbat haur korutako 8 eta 16 urte bitarteko 120 koralista baino gehiago elkartuko dira, Ignacio Arakistain eta Xabier Urtasun Eraso organistekin batera. 
• Azaroak 2: Thomas Ospital nazioarteko musikari ospetsuak Andoni Egaña eta Maialen Lujanbioren bertsolaritzarekin bat egingo du ‘Bertso-Inprobisazio Kontzertua. Maurice Raveli Omenaldia’ ikuskizunean.
• Abenduak 7: Zikloa ‘Talentu Gaztea & Poulenc. Musikene’ kontzertu bereziarekin amaituko da. Javier Moreno Lorenzo organista eta Musikene-ko organo ikaslea izango da protagonista, eta Fp. 93 Organorako, Timbalentzako eta Harientzako Kontzertua interpretatuko du Musikene Orkestra Sinfonikoaren laguntzaz.