ERAGIYOK eta TXIRRISKLA Txistulari Taldea

Astigarragako ERAGIYOK ahots grabeen abesbatzak AHOBER zikloa antolatzen du. Oraingoan ERAGIYOK bera izango da protagonista nagusia TXIRRISKLA Txistulari Taldearekin batera. 

ERAGIYOKen sorkuntza kultura musikala orokorrean eta, zehatzago, euskal abesbatzen musika tradizioa zabaltzeko eta indartzeko ahaleginean oinarrituta dago, arreta berezia jarriz euskal musikagile nagusiek sortutako folkloreari eta eliz-musikari. Aldi berean, beste obra mota batzuk ere lantzen ditu, esaterako, nazioarteko folklorea eta errepertorio lirikoa (opera eta zarzuela).

Kontzertua euskal pieza ezagunez eta Gabon kantez osatuta egongo da.