Makina Erreminta Museoa

Makina-erremintaren museoa Elgoibarren sortu zen 1998an, herriaren eta Debabarreneko eskualdearen antzinako tradizio industriala eta bertako protagonistak izan ziren gizon-emakumeak gogora ekartzeko.

Museo industrial honek kontzeptu desberdin edo berritu bat eskaintzen die bertaratzen diren bisitariei. Museo “bizia” dela esan daiteke, eta bertan, gure aitzindariek egindako makina-erreminta adierazgarrienak daude: tornu paraleloak, fresatzeko makinak, zulagailuak, arrabotak etab. Guztiak martxan daude eta XX. mende hasierako mekanizazio-tailer bateko giroa zintzoki erreproduzitzen dute.

• Sarrerako atean desnibel edo koska txiki bat dago.
• Museoaren barruko espazioak irisgarriak dira, bai gelak baita pasabideak ere.
• Erakusketa-ibilbidean argiztapen nahikoa dago.
• Erakusketariek eta erakusgai dauden obrek altuera egokia dute, eta gurpildun-aulkiak erabiltzen dituzten pertsonentzat ere irisgarriak dira.
• Gida-txakurren sarrera onartzen da.
• Bisitak taldearen beharren arabera egokitzen dira.