Arantzazu parketxea

Arantzazu parketxea Aizkorri-Aratz natura-parkearen bihotzean dago, Oñatiko Arantzazu auzoan, Arantzazuko santutegitik hurbil. Ingurune paregabean dago kokatuta. 

Hiru solairutan banatuta, natura-parkeko osagai aipagarrienak ezagutzera ematen ditu, hala nola, paisaia karstikoak, pago motzak, abeltzaintza guneak… Horretarako, maketa erraldoi bat, tekonolgia berriez hornitutako erakusketa iraunkorra, gela didaktikoak nahiz euskarri interaktiboak daude.

• Interpretazio zentroa irisgarria da mugikortasun murriztua duten pertsonentzat. 
• Solairu batetik bestera mugitzeko igogailua dago. 
• Komun egokitua lehen solairuan.
• Gidari txakurrak, zerbitzu txakurrak eta abisu txakurrak ongi etorriak dira museoan.
• Harrera egiteko eta jendeari arreta emateko erakusmahaiak gune egokitua du.